Ég hef tekið þá ákvörðun að flytja mig yfir á 123.is Ég er aðeins byrjaður að setja inn færslur þar svona til að læra á kerfið. Ég mun gefa þessari síðu frí á meðan.

Ég vil þakka öllum þeim sem komið hafa hingað og þeim sem skilið hafa eftir spor í gestabók athugasemdum. Ég vona að þið komið og kíkið á mig hinumeginn.

Guðmundur St. Valdimarsson/Skipperinn

Nýja slóðin er http://skipperinn.123.is

Ég vil byrja á að þakka öllum þeim sem sett hafa hérna inn athugasemdir. Þessir bátar voru mjög algengir við strendur Senegal og fóru glettilega langt út. Þeir voru á alskonar veiðum. Á færum, á línu, á netum og jafnvel á einhverskonar nót.














Þessa báta sá maður í ýmsum stærðum og yfirleitt fjölmargir á. Það sem var athyglisvert að sjá að það var yfirleitt einn sem var í því að ausa bátinn allan daginn Myndirnar voru teknar í júní 2010

Við strendur Senegal sáum við alskonar útgáfur af smáum fiskibátum, en mest bar þó á þessum sem kallaðir eru Cayuco.

Ég er alvarlega að íhuga það eftir áramót að skipta um blogsvæði og fara yfir til 123.is Ég er alveg búinn að gefast upp á því hversu allar aðgerðir hérna eru seinvirkar og hversu langan tíma það tekur að koma inn færslum hérna. Það er ástæðan fyrir því hversu latur maður er að setja eitthvað hérna inn. Maður fær bara kvíðahnút við tilhugsunina. Ég er búinn að strögla við nokkuð lengi með að færa mig og vonað að það yrðu gerðar einhverjar lagfæringar hérna, en svo virðist ekki vera. Ég er kominn á þá skoðun að BlogCentral sé eitthvað olnbogabarn sem ekkert verður gert fyrir. Ég kem þó til með að notast við þetta svæði fram að því.


Tveir Cayuco við strönd Senegal 8. maí 2010.

Það var ansi gaman að því að sjá hákarlana sem sveimuðu um í yfirborðinu í leit að æti. við vestanverða Afríku fóru árásarhákarlar um í hópum og veiddu sér til matar. í Miðjarðar hafinu sáum við þá yfirleitt bara staka.















Hákarlar við vestur og norðurströnd Afríku. Myndirnar voru allar teknar núna í sumar.

Dýralífið í suðurhöfum var og er mjög fjölskrúðugt og gaman að filgjast með því. Við fengum reglulega heimsóknir frá höfrungavöðum sem vildu endilega leika listir sínar fyrir okkur














Myndirnar eru teknar undan strönd Senegal í sumar.

Það var aldrei að nýja Canon D 50 myndavélin mín hlaut eldskýrn í kvöld. Þannig var að það kom upp eldur í einu af hesthúsunum í hesthúsahverfinu hérna í Mosó. Það hefur komið fyrir að ég hafi tekið myndir fyrir bæjarblaðið hérna MOSFELLINGUR. Núna var ég rifinn upp með látum og út í bíl og niðureftir í reykjarkófið og beint í vinnu. Afraksturinn má sjá HÉRNA 



Hesthúsabruni í Mosfellsbæ 11. 11. 2010

Mig langar til þess að byrja á því að þakka áhugasömum fyrir heimsóknirnar inn á síðunna mína. Það er gaman að sjá að hún er aftur á uppleið eftir að hafa verið vanrækt í hálft ár á meðan ég var fjarverandi og hafði ekki tök á því að sinna henni, né getu til þess. Þetta var mikil og skemmtileg reynsla að sinna þessum störfum þarna í suðurhöfum.

Það komu upp alskonar skemmtileg atvik eins og þegar siglt var fram á skjaldböku af stærri gerðinni í sem átti í augljósum vandræðum. Þegar nánar var að gáð kom í ljós að skjaldbaka þessi var bæði með kút og kork. Þar sem skjaldbökur eru vel syndar þá var ákveðið að kanna þetta mál. Bátur var sjósettur frá skipinu og haldið til hennar. Í ljós kom að þetta var ekki með vitund og vilja skjaldbökunar. Hún hafði flækt sig í þessu einhverstaðar með þeim afleiðingum að hún gat ekki kafað.

Hún vildi svo sem ekkert við bátsverja ræða en einlægur ásetningur björgunarmanna var vilja hennar yfirsterkari og var þessi aukabúnaður fjarlægður af henni. Hún varð frelsinu fegin og kafaði með það sama, eitthvað sem henni greinilega hafði ekki tekist nokkuð lengi. Ekki var að sjá að snærið hafi sært hana.
Hún fékk svo að sjálfsögðu nafnið Rafael eftir einum af skjaldböku strákunum.


Ægir á fallegum degi í Miðjarðarhafinu

Komið að skjaldbökunni

Hér má sjá höfuð hennar og hvernig hún dregur þetta drasl á eftir sér.

Skjaldbakan reynir áranguslausa köfun.

Búið að húkka í færið, sjá má skjaldbökuna fyrir neðan brúsana.

Skjaldbakan komin á síðuna á bátnum.

Unnið að losun þessa aðskotahlutar.

Skjaldbakan kafar frelsinu fegin.

Ægir í Miðjarðarhafinu.

Þann 4. október mættum við Queen Elizabeth III þar sem það var á siglingu frá skipasmíðastöðinni á Ítalíu til heimahafnar í Englandi. Það mun hafa komið til  Southampton Þann 11. október 2010.


Queen Elizabeth III 4. október 2010

Queen Elizabeth III 4. október 2010

Queen Elizabeth III 4. október 2010
Myndirnar tók Pálmi Jónsson

Þetta er það sem ég finn um skipið. Það er smíðað hjá Fincantieri Monfalcone Shipyard, Italy
.
Name: MS Queen Elizabeth
Owner: Carnival Corporation & plc
Operator: Cunard Line
Port of registry: Southampton United Kingdom
Route: Voyages ex. Southampton
Ordered: October, 2007
Builder: Fincantieri Monfalcone Shipyard, Italy
Cost: UK£350 million (approx.)[1]
Yard number: 6187
Laid down: 2 July 2009
Launched: 5 January 2010 floated out
Christened: 11 October 2010
Maiden voyage: 12 October 2010
Status: as of 2010, officially delivered to Cunard
Notes: Vista Class, larger sister to Cunard's Queen Victoria
Tonnage: 92,000 gross tons
Length: 294m (964.5 ft)[2]
Beam: 32.3m (106 ft)[2]
Draught: 8 m (26ft)[2]
Decks: 12[2]
Installed power: 4 × MaK 12 M 43 C diesels
2 × MaK 8 M 43 C diesels[3]
Propulsion: Caterpillar Marine Power Systems 4x MaK 12 M 43 C and 2x MaK 8 M 43 C [4]
Speed: 23.7 kts.
Capacity: 2,092 passengers
Notes: Dennie Farmer (madrina) Queen Elizabeth II (will be the godmother)

Við töldum okkur hafa séð 1137 Barða NK-120 út í Dakar í sumar. Ég náði ágætis myndum af togaranum þegar hann var færður innan hafnarinnar, en get með engu móti fundið þær myndir. Skipið sem um ræðir er þessi græni sem er næstur bryggjunni Er einhver sem treystir sér til að staðfesta það. Ég fékk álit tveggja fyrrum togara sjómanna í sumar sem töldu það vel koma til greina.

Myndin er tekin 4. maí í sumar.

Independence of the seas. Þetta risa skip lá við hlið okkar á Las Palmas þann 30. apríl Ægir virkar frekar lítill við hlið þess. Skipið er í eigu the Royal Caribbean cruise line.

Independence of the seas Á Las Palmas 30.04.2010

Independence of the seas 04.10.2010 í Miðjarðarhafinu

Class and type:	Freedom-class cruise ship
Tonnage:	154,407 GT (gross tonnage)
Length:	338.92 m (1,111.9 ft)
Beam:	38.6 m (127 ft) hull 56 m (184 ft) extreme width of superstructure
Draught:	8.8 m (29 ft)
Decks:	15 (passenger); 3 (crew)
Propulsion:	Diesel-electric (kW)/3 pods (1 fixed, 2 azimuthing) 14MW each
Speed:	21.6 kn (40.0 km/h; 24.9 mph) 23 kn (43 km/h; 26 mph) maximum
Capacity:	4,370 passengers
Crew:	1,360 crew

Rey V3MW6, ex Norma Mary, ex Akureyrin EA. Nýlega komin til Las Palmas eftir að skipinu var breytt í þjónustuskip. Skipið liggur fyrir framan höfuðstöðvar Kötlu Seafood. Eins og sjá má er skipið skráð í Belize. Myndirnar tók ég þann 5. júlí 2010. Ég frétti af fleirri fyrverandi íslenskum skipum þarna, en vegna stærðar hafnarinnar, tímaskorts og hafnarverndar fann ég þau ekki.


Rey V3MW6

Rey V3MW6

Rey V3MW6

Rey V3MW6

Kæru vinir, núna er hálft ár síðan ég reyndi að koma þessari mynd inn. Hérna er hún loksins. Það er orðið svo langt um liðið síðan ég hef reynt að gera eitthvað hérna að ég þurfti að rifja ýmislegt upp. Ég vona að ég geti verið eins duglegur og ég var áður en ég fór utan.
Mig langar til að þakka öllum sem sýnt hafa síðunni tryggð á meðan á þessu ástandi hefur varað. Ég vil líka þakka öllum hlýjar og góðar kveðjur til mín.

1012 Quo Vadis HF-23 Mynd tekin 30 04 2010 á Las Palmas

Ég vil byrja á að þakka þeim sem enþá halda tryggð við síðunna og kíkja hérna inn daglega þótt ekki sé hér mikil hreifing. Einnig kærar þakkir til þeirra sem sett hafa einhver orð og kveðjur hérna inn.
Við höfum nú lokið fyrri hálfleik og það með miklum sóma svo eftir var tekið. Við höfum nú skipt um vallarhelming og seinni hálfleikur hafin.
Ég tók þá ákvörðun snemma að vera úti allan tímann þannig að ekki er von á mér heim aftur fyrr en undir miðjan október.
Mér líður bara mjög vel hérna í sólini og hitanum svona yfir daginn. Það er í nógu að snúast þannig að tíminn líður mjög hratt.
En sem fyrr er ekki hægt að setja inn neinar myndir og verður það því bara að bíða betri tíma.
Kveðja úr suðurhöfum
Skipperinn

Sælir kæru vinir. Það er orðið langt síðan ég setti eitthvað hérna inn. Ekki að ég hafi ekki reynt það, en þetta vefsvæði er mér ekkert séstaklega hliðholt með þá tengingu sem ég hef hérna suðurfrá. Ég hef áhveðið að skoða önnur vefsvæði í vetur. Af okkur er allt gott að frétta og allt gengur vel. Hitinn og rakinn færast í aukana með hverri vikunni sem líður. Maður er orðinn sæmilega útitekinn eftir verunna hérna. En sem fyrr er ekki möguleiki að koma inn mynd, hvað þá myndum og verður það því að bíða þar til að ég hef tök á því. Ég vil svo að lokum þakka öllum fyrir góðar kveðjur hérna, mér finnst vænt um þær.

Jæja það styttist óðum í næstu brottför á suðrænar slóðir, en eftir nokkra klukkutíma legg ég aftur af stað til Afríku. Reyni að muna eftir því að hafa með mér einhverjar myndir heim næst.